Vilhelm Gunnarsson, ljósmyndari Vísis, hlaut verðlaun Blaðaljósmyndarafélags Íslands árið 2022 í tveimur flokkum. Var hann hvortveggja verðlaunaður fyrir mynd ársins og fréttamynd ársins. Mynd ársins var af eldgosinu í Geldingadölum og þótti fanga stemningu ársins í heild. „Áhugaverð, sterk og frumleg mynd af einu stærsta fréttamáli krefjandi árs. Sjónarhornið er frábært, formið óvænt og sérlega flott auk þess sem vinnslan hæfir myndinni afar vel,“ segir í umsögn dómnefndar

Hlustendaverðlaunin 2022 voru haldin í níunda skipti. Útvarpsstöðvarnar Bylgjan, FM957 og X977 standa í sameiningu að Hlustendaverðlaununum. Markmiðið er að gefa íslenskum útvarpshlustendum og tónlistarunnendum tækifæri að velja og verðlauna íslenskt tónlistarfólk.

Í mars fórum við af stað með stórt verkefni sem gekk út á það að kynna 5G þjónustu okkar um allt land. Starfsmenn Vodafone heimsóttu Grundafjörð og fengu frábærar móttökur.

Í maí var slegið nýtt met á áskriftum Stöð 2 Sport þar sem íslenskar boltaíþróttir kvenna og karla náðu hápunkti með úrslitakeppnum. Stærsta útsending Stöðvar 2 Sports á árinu var viðureign Vals og Tindastóls í lokaúrslitum Íslandsmót karla í körfubolta. Útsendingin hlaut metáhorf og vakti leikurinn slíka athygli hjá íslensku þjóðinni að annað eins hefur ekki sést í íslenskum körfubolta.

Vodafone kynnti með stolti áframhaldandi samstarfs- og fjarskiptasamning við Slysavarnarfélagið Landsbjörg. Vodafone hefur verið samstarfsaðili Landsbjargar frá árinu 2009 verður engin breyting á því næstu árin.

Þann 5. júní 2022 var litríkasta hlaup ársins loksins haldið á ný eftir tveggja ára hlé og litaglaðir hlauparar á öllum aldri fjölmenntu í Laugardalinn . Rauði liturinn var heldur betur áberandi á viðburðinum en Vodafone er stoltur styrktaraðili hlaupsins og var gleðin við völd þegar litrík teymi og þátttakendur máluðu Laugardalinn rauðan.  

Síðastliðið sumar var Vodafone vagninn á flakki um land allt í slagtogi við Bylgjulestina. Vodafone kynnti sig og sína þjónustu á þessum ferðum og voru móttökur almennings frábærar. Sjáumst næsta sumar!

Það var mjög góð stemning á golfmóti fyrirtækjasviðs Vodafone sem haldið var á Jaðarsvelli Akureyri í ágúst 2022.

Á haustmánuðum fékk Sýn viðurkenningu fyrir að vera leiðandi fyrirtæki í góðum stjórnarháttum. Þessi viðurkenning er fyrst og fremst veitt til þess að ýta undir umræður og aðgerðir sem efla góða stjórnarhætti og auka trúverðugleika og gagnsæi stjórnarhátta gagnvart hluthöfum og öðrum hagsmunaaðilum. Páll Ásgrímsson, aðallögfræðingur okkar tók á móti viðurkenningunni.

Steymisveitan okkar Stöð 2+ hefur stækkað og með því hefur alþjóðlegt gæðaefni bæst í flóruna frá samstarfsaðila okkar Kritic sem sérhæfir sig í vönduðu evrópsku sjónvarpsefni. Streymisveitan Stöð 2+ endurspeglar fjölbreytileika sem við viljum bjóða áskrifendum okkar í meira mæli.

Við fögnuðum komu iPhone 14 og var „epladagurinn“ haldinn hátíðlegur hjá okkur í verslunum Vodafone og innanhúss þar sem við buðum upp á epla-muffins og auðvitað epli.

Stöð 2 fékk 17 tilnefningar til Edduverðlaunanna og hlaut tvenn verðlaun. Þáttaröðin Tónlistarmennirnir okkar fékk verðlaun sem Menningarþáttur ársins og Víkingar: Fullkomnir endir, hlaut verðlaun sem Íþróttaefni ársins. Stöð 2 er einstaklega stolt af fagfólkinu hjá fyrirtækinu og því frábæra efni sem það framleiðir.

Þann 7. október 2022 tók Vodafone þátt í söfnunarþætti Rauða Krossins, Verum vinir, sem sýndur var í beinni útsendingu á RÚV. Í þættinum bættust 1800 Mannvinir í hópinn og tæplega 400 einstaklingar og fyrirtæki gáfu staka styrki, alls 27 milljónir.

Október er mánuður Bleiku slaufunnar, árveknis- og fjáröflunarátaks Krabbameinsfélags Íslands gegn krabbameinum hjá konum og héldum við bleika daginn hátíðlegan hér í húsi.

Í desember sló streymisveita okkar, Stöð 2+ nýtt met en þá voru 45 þúsund heimili komin með áskrift að stöðinni. Stöð 2+ hefur á árinu aukið verulega við úrval sitt, bæði af vönduðu íslensku sjónvarps- og barnaefni og sömuleiðis evrópsku og alþjóðlegu gæðaefni.